• images/slider/startseite/slider0.jpeg
  • images/slider/startseite/slider1.jpeg
  • images/slider/startseite/slider2.jpeg
  • images/slider/startseite/slider3.jpeg
  • images/slider/startseite/slider4.jpeg
  • images/slider/startseite/slider5.jpeg
  • images/slider/startseite/slider6.jpeg

A schwoaza Doch

Da Wecker leit, i kumm niad raus,

beim Duschn rutsch i aaf da Soifa aus.

Wäi a wampada prellda Frusch

lieche äitz drinna in da Dusch`.

 

Beim Houchkrakln denk a ma, a guada leid`ts

und schdouß ma`n Wasserhahn ins Kreiz.

Drauf hump`le schmerzverzehrt zum Schrank

und greif nouch meine Sock`n,

dou hockt mei Kloana drin und moant:

„Gell Papa, bist daschrock`n!“

Mei Antwort draaf woar ohne Text

und trotzdem houd mas g`hert,

es woar a kurza Patscha,

nou houd da Kloane plärrt.

I bin heind niad guad draaf

und reg mi über alles aaf.

Wos i dou und wos i sooch

nix haut hi, heind is a schwoaza Doch.

Unterwegs, dau mou i biesl`n,

schdöi mi an a Schläiaheck`

und wäi i wieda assaschläif,

klebt an mein`m Schouch a brauna Dreck.

Den houd sa da Lassie aas die Ripp`n druckt,

mei, wäi des schtinkt, i wiar varuckt.

Wou`s wos zum neitret`n git, mou immer i da erschte sei.

Heind is a schwoaza Doch und der gäiht niad su schnöi vorbei.

Im Audo drinn schimpf i des Hundsviach

nu an hinterfotzichen hourichen Trampel,

dau blitzt`s, wäi wenn oana fotografiert,

des kann da passier`n, bei na roud`n Ampel.

A Bräifal is kumma kurz draaf mit da Post,

drei Doch is da schlecht, wenn`s sigst, wos des kost`.

Drum, wenns wos gibt, wos i niad moch,

dann is des su a schwoaza Doch.

   

Mächast wos lesn?  

Verständigung

Zum Trinka mäissast nu wos kaffa,

mir hom koa oanzig`s Flasch`l mäia dahoam!

Ja!

`n Wäschkorb kaanst ma nu affatrog`n!

Mache schou!

Bringst ma du d` Wäsch?

Glei!

D` Flasch`n suidast ah amoi wieder zum Contäner foan.

Äitz niad, schbäida!

Houst`n Albert schou z`ruckg`roufa?

Naaaa, hetz hoid niad asu!

 

Drei Schdund schbäida am Kanapee:

Frau, warum schaust`n schou wieda su schlampad?

I hob da doch nix dou!